逆天奇案2丨79歲尹光記對白當歌詞咁背　光B與扮大肚菊梓喬合照留念

TVB劇《逆天奇案2》在昨晚（4月12日）一集最大焦點是首度拍TVB劇的「光B」尹光！劇情講述地產發展商欲收購河埔村用地作發展用途，整條村獨欠頑固老人昌伯（尹光飾）不肯賣地，令剛升任村長的啟熙（謝東閔飾）非常頭痕，多次苦勸昌伯都食白果。

一日，被灌醉的啟熙再去昌伯家進行遊說，遭激動的昌伯拎起拐杖狂打，啟熙一時情急將昌伯推倒，翌日傳出昌伯死訊，啟熙因此被控誤殺，啟熙的懷孕太太恩（菊梓喬飾）頓失依靠，並請求Hazel（蔣祖曼飾）幫助。

逆天奇案2丨郭柏妍搣甩純情形象化身恐怖情人　擸刀威脅鄭俊弘殉情勁嚇人

▲ 《逆天奇案2》

逆天奇案2丨光B演繹到位

事件後來出現反轉，森Sir接手調查後，發現是黑幫為逼昌伯搬走，出招令昌伯的家斷水、斷電兼cut埋電話線，昌伯最終死因是家中平安鐘失靈以致失救致死。

光B現身《逆天奇案2》令網友大感驚喜，現年79歲的光B將角色頑固特質演繹到位，講對白時中氣十足兼相當流利。

逆天奇案2​​​​​​​丨覺得拍劇好玩

《逆天奇案2​​​​​​​》是光B首次拍攝的無綫劇集，問到為何願意接受挑戰？光B受訪笑言：「係監製家豪哥邀請嘅，佢叫到咪試吓囉。」問到拍攝難忘事？他笑說：「因為今次入咗新界嘅村屋拍攝，嗰度又多樹，當日又咁啱落雨，好多蚊蟲，咬到周身都係！」

光B坦言，覺得拍劇挺好玩，事前自己亦做足準備功夫：「收到劇本後，你要背熟晒入面嘅內容，同埋要揣摩個角色，咁先為之一個好嘅演員。背對白都幾難，但要將勤補拙，讀多啲背熟啲，當係歌詞咁背囉。」

▲ 尹光B與菊梓喬合照留念。

問他會否戲癮大發想再拍劇？光B說：「最緊要睇角色適唔適合自己，如果適合我都會玩落去，因為我鍾意向難度挑戰。」

官方釋出相關拍攝花絮，光B與菊梓喬（Hana）和謝東閔有不少對手戲，3人亦合作得相當愉快，光B未埋位前更與Hana合照留念。問到與兩位合作感覺，光B大讚：「Very Nice啦佢哋，又好傾又好玩，又好照顧我！」有「廟街歌王」之稱的光B，在花絮片中更孖住容天佑合唱首本名曲《荷里活》，配搭新鮮。

最新影片推介：羅子溢專訪

HKET App已全面升級，TOPick為大家推出一系列親子、健康、娛樂、港聞及休閒生活資訊及影片。立即下載︰https://onelink.to/f92q4m

追蹤TOPick Whatsapp頻道睇最新資訊︰http://tinyurl.com/3dtnw8f5